影片
更多
2003-10-14
6 浏览
因為第一次去完的感覺好好，所以今晚兩條友再去一次。第一次去叫的有：白蘿蔔魚干沙律- 超新鮮爽脆的蘿蔔絲加好味魚干再加特制日式沙律汁，好味又清新。蔥花吞拿魚凍豆腐- 有點普通，但味道ok。三文親子釜飯- 一定要趁熱食，飯焦都唔好放過呀！菠菜蛋煲- 係就細煲o左o的，但係味道一流，菠菜好嫩。芝麻布丁- 簡直係當晚high light！個賣相雖然有點似魚皮，但食落去好香好滑，正！可以再凍少少就好喇。今晚去，叫唔同野食：明太子蛋卷- 比較普通，但係蛋好香，少少辣，OK。鹽燒牛舌- 一定要包住蔥花食呀！好惹味，唔會太鹹，又夠軟，可以再食～麵豉三文魚鍋- 有紅蘿蔔，薯仔同菠菜一齊煮，三文魚少咁o的，無乜味；但個湯就好味喇，甜得來又唔太鹹，一流！蘑菇生蠔釜飯- 打開個蓋，好香呀！今次無上次咁多飯焦，但都好好味。雖然飯已經夠鹹，但因為附上的醬汁好香酒味，忍唔住加埋落去食=p甜品拼盤- 生果，紅豆雪糕同chocolate sponge。雖然唔係好日式，不過個紅豆雪糕好香，chocolate sponge夠軟又唔「鞋」口，幾好。服務方面，真係要讚佢地添茶速度一流！裝修好特別，雖然吸／非吸煙區分別不大，但係
第一次去叫的有：
白蘿蔔魚干沙律- 超新鮮爽脆的蘿蔔絲加好味魚干再加特制日式沙律汁，好味又清新。
蔥花吞拿魚凍豆腐- 有點普通，但味道ok。
三文親子釜飯- 一定要趁熱食，飯焦都唔好放過呀！
菠菜蛋煲- 係就細煲o左o的，但係味道一流，菠菜好嫩。
芝麻布丁- 簡直係當晚high light！個賣相雖然有點似魚皮，但食落去好香好滑，正！可以再凍少少就好喇。
今晚去，叫唔同野食：
明太子蛋卷- 比較普通，但係蛋好香，少少辣，OK。
鹽燒牛舌- 一定要包住蔥花食呀！好惹味，唔會太鹹，又夠軟，可以再食～
麵豉三文魚鍋- 有紅蘿蔔，薯仔同菠菜一齊煮，三文魚少咁o的，無乜味；但個湯就好味喇，甜得來又唔太鹹，一流！
蘑菇生蠔釜飯- 打開個蓋，好香呀！今次無上次咁多飯焦，但都好好味。雖然飯已經夠鹹，但因為附上的醬汁好香酒味，忍唔住加埋落去食=p
甜品拼盤- 生果，紅豆雪糕同chocolate sponge。雖然唔係好日式，不過個紅豆雪糕好香，chocolate sponge夠軟又唔「鞋」口，幾好。
服務方面，真係要讚佢地添茶速度一流！裝修好特別，雖然吸／非吸煙區分別不大，但係可能佢個抽風系統好，所以都唔太覺得有煙味。值得我再去試埋其他menu item呀~~
张贴