七喜粥麵小廚

营业中

休息中

本来同朋友两个人，想揾间酒吧，坐下食少少小嘢饮下啤酒咁啦。新蒲岗都冇乜酒吧选择，去到间吧又多人，咁朋友提议不如去呢间七喜，我见都系饮啤酒食少少嘢，边度都一样，咪入去啰。一坐低都即刻落咗支啤酒先，再睇下食乜，洗完啲碗筷过咗都冇5分钟，个唔知系唔系老板娘，已经催促我哋落单，仲反问我哋唔系喺度净饮吖嘛，态度恶劣到不堪。见都已经饮咗支啤酒，都废事转场，就忍咗佢叫咗两个𩠌。其中一个豉汁蒸鳝，见到嚿嚿都好细，睇清楚全部都系鱼尾，出街食咁多次鳝，呢碟都数一数二差，好在味道还可以。最后加埋8支啤酒，我哋都4百几蚊找数，睇佢好多枱都食唔到呢个数啦，终于明白啲人上晒深圳食，唔洗喺香港受气。