影片
更多
2024-09-20
222 浏览
今次我地黎到旺角呢邊食飯，我地去左上海街果邊睇d裝修野，近近地就去附近既TOP商場食飯，5樓呢間韓國菜都幾靚幾吸引，辛苦完屋企野梗係食餐好架啦🇰🇷我地一坐低，店員已經攞左佢地既韓式前菜比我地食住睇menu，餐廳坐位舒適，有壺凍茶同燒肉汁係自己位👍🏻前菜有6款，加埋個芝士一共7樣野都可以無限添加，未叫野食已經覺得好開心😄佢地既燒烤會有店員幫手燒，燒完仲要唔係就咁上碟，會整到靚一靚咁一碟先比客食，呢個服務好好☺️最上等牛肋骨（$308）牛肋骨係原條肉，尾部痴住舊骨，舊肉好靚，肉好嫩，冇乜肥，鐘意食冇咁肥就最岩啦🥩壽喜燒和牛三筋肉（4件）（$225）升級棉花糖（+$30）呢個壽喜燒見佢有得升級棉花糖咁特別，就試下佢，原來就係將壽喜燒汁淋上棉花糖溶左就開始煮我地既和牛，和牛又係勁靚，本身有汁調味，簿切令到入口更佳，每一塊都配有蛋黃同一粒飯，夾埋一齊食塊口又入口即溶😍大蝦（$78）燒大蝦都幾驚喜，我地以為原隻燒完就比我地食，店員係燒完再拆肉比我地食，燒得手勢好，蝦肉彈牙新鮮，有人幫手剝蝦真好🦐韓式炸雞（半隻）（$128）除左燒烤呢度都有熟食，我地叫左份炸雞，原味炸雞就岩我地，點d蛋黃醬食，雞肉多汁
我地一坐低，店員已經攞左佢地既韓式前菜比我地食住睇menu，餐廳坐位舒適，有壺凍茶同燒肉汁係自己位👍🏻
前菜有6款，加埋個芝士一共7樣野都可以無限添加，未叫野食已經覺得好開心😄
佢地既燒烤會有店員幫手燒，燒完仲要唔係就咁上碟，會整到靚一靚咁一碟先比客食，呢個服務好好☺️
最上等牛肋骨（$308）
牛肋骨係原條肉，尾部痴住舊骨，舊肉好靚，肉好嫩，冇乜肥，鐘意食冇咁肥就最岩啦🥩
壽喜燒和牛三筋肉（4件）（$225）
升級棉花糖（+$30）
呢個壽喜燒見佢有得升級棉花糖咁特別，就試下佢，原來就係將壽喜燒汁淋上棉花糖溶左就開始煮我地既和牛，和牛又係勁靚，本身有汁調味，簿切令到入口更佳，每一塊都配有蛋黃同一粒飯，夾埋一齊食塊口又入口即溶😍
大蝦（$78）
燒大蝦都幾驚喜，我地以為原隻燒完就比我地食，店員係燒完再拆肉比我地食，燒得手勢好，蝦肉彈牙新鮮，有人幫手剝蝦真好🦐
韓式炸雞（半隻）（$128）
除左燒烤呢度都有熟食，我地叫左份炸雞，原味炸雞就岩我地，點d蛋黃醬食，雞肉多汁夠嫩，炸得新鮮熱辣夠曬脆🐥
炸醬麵（$98）
主食我地就叫左炸醬麵，韓式炸醬麵就唔辣，反而感覺似台灣既滷肉飯，而佢係熱麵黎架，記得要趁熱食🍜
柚子檸檬梳打水（$42）
青瓜青檸梳打（$42）
我地飲品就每人叫左杯梳打，柚子既就比較甜d，而青瓜就有d清新既青瓜味，兩杯都好飲，睇下鐘意甜d定冇咁甜去選擇🍹
呢間餐廳既服務真係同幢商場一樣名，Top level，如果第一次拍拖約黎呢度食飯一定唔失禮，d燒烤既質素非常好，熟食都唔錯，成餐飯都食得好滿意🥰
张贴
