S3 186

营业中

休息中

本来朋友生日想揾间靓餐厅庆祝，点知啲食物又唔好食，服务态度非常差。一去到，明明订咗五人枱，得一张梳化仔同二张凳，问佢有冇多张凳，佢叫我地梳化坐埋d就坐到（肥少少都坐唔到）跟住问佢可唔可以比张凳我地放下野，最后佢先比左张高过我地张枱嘅bar枱凳我地，同朋友真系呆咗。到食物质素，叫咗个芒果大虾沙律，个沙律系得啲好碎嘅芒果仲得好少，仲要系有啲霉嘅感觉，好似放咗好耐好唔新鲜。另外叫咗个龙虾pizza，唔细心睇都揾唔到龙虾系边，中间有个龙虾头同埋个龙虾壳。个Pizza好似冇任何配料喺上面咁。之后叫咗卡邦尼同长脚蟹意粉，冇特别不过不失。问店员意粉上面有两旧唔知系蕃茄定系配菜，系咪可以捞落意粉，佢话佢唔清楚。唔知点解可以答得咁唔专业。最后，本身提前一日同咗餐厅讲有朋友生日想食生日庆祝字落甜品碟，而且已经提前一日order咗甜品，最后上甜品𠮶阵竟然就咁上咗甜品，咩字都冇写，问店员点解冇生日嘅字眼佢话：你头先唔讲？如果我可以即时讲咁点解我要提前一日去同你落order呢？最后个甜品都系好难食，入面好硬，食咗第一啖已经唔想再食。