王家沙 (已結業)

王家沙,对我本人黎讲,其实并唔系有咩吸引力,只系女朋友既亲戚家住太古,所以经常会选择呢间王家沙见面食饭...王家沙,其实系食上海菜,但以一直喜爱食上海菜既我,对呢三个字并不陌生,但从来都吸引唔到我去,因为感觉比我系名过于实,事实...真的如此...每次去到,我地叫既都离唔开小笼包,醉鸡等小食,我当然会食我最钟意既赛螃蟹同回锅肉,不过完全系失色,比起屋村的上海菜亦不如,回锅肉过份多油,上台后除了我,基本上亲戚们都冇食过...赛螃蟹更不用提,过份淡而无味,口感炒得太过松散且太多水...至于服务,真系不值一提,当日我地一早已经book左台,当时我地一行人可以入去就坐既时候,见到有d侍应系度执台,但一见到我地行紧埋去,我同女朋友都好清楚听到其中一位小姐讲:有冇搞错呀,咁快就行入黎,都未x执完...我听到后,我对呢三个字更加失望...之后佢拎茶过黎俾我地,竟然掟落张台度,当时我同我女朋友就更加失望...香港有极多上海菜馆,既质数,以我呢位钟情上海菜既人黎讲,单系服务上,我已经绝对接受唔到...至于价钱方面,因为每次食饭都系亲戚朋友俾,不过我地睇餐牌,如果每位计,正常都要100蚊以上...