반찬앤쿡 Banchan and Cook (東薈城名店倉)

营业中

休息中

入座嘟安心，嘟针卡，我＆同事都系用紧医健通嘅针卡，冇加针卡入去安心出行。门口条友话一定要用安心出行个介面张针卡，我话呢个系政府医健通张针卡㖞，我间间餐厅，连返工都可嘟到过到。点解一定要入针卡用安心个介面？我话而家系咪唔得，唔得咁我食第二间啰，佢又唔出声。仲有一入座已讲明系附近职员，佢话有8折，跟住到埋单冇俾折，问佢点解，佢话要入座前出示职员证，我咪话讲咗啰～佢仲要话你讲咗但冇出示，咁我话我一早出咗声，但你冇问我出示 咁我而家出示返啰！条友摆明系安心针咭度唔顺气，玩野啦～根本一开始，佢嘅态度就有问题，医健通针咭话唔接受，一定要安心出行版面嘅针咭时，我应该即时话唔食。野食就一般般啦，唔系特别出色，佢最出名嘅蛋包饭，冇乜特别，个蛋皮好薄，亦都唔系滑。3个人，平日下午茶时段，百几蚊一个嘅蛋包饭，唔算抵食。同塲LDK下午茶Set都有蛋包饭，价钱系呢间嘅一半仲包埋饮品。