影片
更多
2024-02-27
1085 浏览
朋友饭聚上openrice睇吓有咩好食，见呢间食评唔错又有得订位于是试吓，间餐厅卖点系露营feel bbq，觉实环境气氛几好，食物质素唔错，而且服务都好好，侍应会主动教我哋d餐具点分，帮我哋换烧烤网几次，我哋叫咗个清酒煮蚬，咁啱佢埋嚟执枱嘅时侯，见我哋有两只蚬无肉嘅，佢都会立即补返比我哋，今时今日仲有咁嘅服务态度真系值得赞。讲返食物～我哋6个人bbq就叫咗全牛特选拼盘、烧肉拼盘、阿波酢橘鸡翼、伊比利亚猪肋条、鸡肾、酱油帆立贝、青酒煮蚬、杏鲍菇、菠萝。另外叫咗黑醋冰蕃茄沙律、青苹果紫薯沙律、枝豆同生菜。饮品就叫咗鲜生姜梳打、富士山柚子梳打同黑啤。佢个烧肉拼盘、全牛特选拼盘、阿波酢鸡翼同伊比利亚猪肋条真心好食，食物调味适中唔会太咸或太浓味，肉质嫩滑弹牙有肉味，酱油帆立贝比想像中好，无雪味有浓浓鲣鱼汁味，鸡肾略嫌细粒有筋，清酒煮蚬无特别但唔差。青苹果紫薯沙律有惊喜，紫薯蓉配青苹好食，我同朋友都喜欢。相反黑醋冰蕃茄沙律就逊色咗，蕃茄好大只但只切开4件，其实厨师可考虑吓开6件会易食d同入味d。最后到饮品～我外出食饭经常都会饮柚子梳打，但好多时都会超甜可能因为多冰，但呢喥杯富士山柚子梳打就唔会太甜
讲返食物～我哋6个人bbq就叫咗全牛特选拼盘、烧肉拼盘、阿波酢橘鸡翼、伊比利亚猪肋条、鸡肾、酱油帆立贝、青酒煮蚬、杏鲍菇、菠萝。另外叫咗黑醋冰蕃茄沙律、青苹果紫薯沙律、枝豆同生菜。饮品就叫咗鲜生姜梳打、富士山柚子梳打同黑啤。
佢个烧肉拼盘、全牛特选拼盘、阿波酢鸡翼同伊比利亚猪肋条真心好食，食物调味适中唔会太咸或太浓味，肉质嫩滑弹牙有肉味，酱油帆立贝比想像中好，无雪味有浓浓鲣鱼汁味，鸡肾略嫌细粒有筋，清酒煮蚬无特别但唔差。青苹果紫薯沙律有惊喜，紫薯蓉配青苹好食，我同朋友都喜欢。相反黑醋冰蕃茄沙律就逊色咗，蕃茄好大只但只切开4件，其实厨师可考虑吓开6件会易食d同入味d。最后到饮品～我外出食饭经常都会饮柚子梳打，但好多时都会超甜可能因为多冰，但呢喥杯富士山柚子梳打就唔会太甜，酸甜啱啱好好饮。
最后～用餐时间是限时100分钟的，因为朋友聚会会好多讲，起初都担心会食得好赶，但成餐饭由头到尾都无提你时间、无人催你埋单，最后我哋应该食超过100分钟，当然可能𠮶时仲有枱，但我在第二间餐厅就算无客，都会依然提你时间及准时送客，所以呢间餐厅整体真系唔错，无论食物定服务都值得再去食。
张贴
