生生餐廳

营业中

休息中

这间社企餐厅位置唔太显眼，我都系无意中经过，见到佢有个餐牌放出来，先知原来这里有间餐厅，见午餐价钱也可以接受，于是上去试吓，搭lift上到去，周围望下餐厅在那儿，就见到个职员刚好行出嚟，我开头以为佢未必会理我，因为佢似要搭lift落楼，佢见到我时就行返转头问我几多位，之后带我入餐厅，餐厅地方几大，但唔多人堂食，叫了个烩牛脷配红酒烧汁伴意大利面，包餐汤及饮品$78，好似话因为疫情所以无加一，个汤好快上，系蘑菇汤，细细杯，好浓，但唔会过咸，而且好热，个牛脷意粉好多牛脷，好淋，有红酒味，个职员好细心，见我好似唔够汁点意粉，佢主动问我够唔够汁，帮你拎兜汁好无，非常之细心，加分，总括之言，服务同食物质素也几好，会再帮衬.