Chalet (已結業)

想舒舒服服咁揾个地方倾下计，朋友上网揾左呢间风评几好嘅餐厅黎试下～我地2个都唔算真系好饿，所以夹埋叫左4野食share。呢度嘅食物唔算好大份，所以即使2人都可以叫几款黎试下唔同嘅菜式。龙虾汤味道都几香浓，但唔会有阵苦味。口感都好滑，仲有唔少龙虾肉系入面！面包比较干身，配埋汤黎食会好D见到唔少人推荐呢个帝王蟹饼配蛋黄酱，所以就一黎就决定要叫呢个！果然名不虚传，成个饼都系由蟹肉组成，好香甜嘅蟹味，一食真系有惊艳到！非常推介！本身都好有兴趣试个面包蟹烩意大利饭，不过发现都系蟹，所以就转左试呢个西班牙黑毛猪鞍配蜂蜜白酒烩苹果。估唔到呢个都几有惊喜，个皮焗得有少少脆，真系令人意想不到。肉质都几嫩，而且入味，唔会有猪嘅苏味。烩苹果甜甜地之余又带少少酒嘅香气，带住一点小清新。本身想试多人推介嘅面包布甸，不过依家应该已经冇卖 转左食apple crumble，一上枱waiter拎开个盖随即有一阵小小嘅烟飘出黎，估唔到食落都有淡淡嘅烟薰味道。