吉地士

营业中

休息中

朋友送左半岛酒店套票，包8000蚊饮食积分。咁预约左Gaddis。行入去个下，好古典啊。第一次食咁贵既法国餐，心情都好兴奋。服务好，热情有礼。环境一流。上的餐前面包都好好食。因为带埋阿囡去，所以先整个主菜俾佢，等佢唔好叫肚饿。但个seabass啲肉，都好淋，无乜海鱼既结实感。我哋个主菜真系麻麻地。我叫既系鸽肉，尽量熟，出黎既边边，都可以接受，但厚肉部分真系血淋淋，我唔敢食啦。老公既牛扒无乜扒味。佢话其实上一块好既牛扒俾佢，好过呢度用truffle包边。盖过啲肉味。3个主菜都食剩大半。甜品不过不失。我觉得晚上应该可以选择4个course既餐。6个course真系食得辛苦。唔食又浪费。我个囡话，半岛酒店好靓啊，下次仲要黎，不过唔好去Gaddis啦。