翠苑甜品專家 (北角道)

营业中

休息中

我同朋友七个人入去，场内得两枱客，四五张吉枱。因为无大枱，所以问呀姐可唔可以拼一拼两场细枱，讲明食完会移返原位，但呀姐就立刻黑面，死都要我地七个人坐一张直径一米既细枱，当下真系好想佢示范比我睇。七个人，我地叠罗汉呀？唔系好明点解场内四五张吉枱既情况下，系都要逼我地一班人坐，又唔比拼枱。如果唔系有外地朋友系度，真系想讲句粗口走人。因为佢根本无当我地系客。同佢嘈多两句，我地就唔理佢自己移枱。之后佢又唔gur咁，同另一个呀姐系咁催我地点糖水，澳牛上身咁，唔讲真系以为你出面成村人排紧队。但佢催我地点野之余，自己又企埋一边桥埋双手，想叫佢过黎落单，又话你嗌啦我听到。好喇，其实个呀姐最尴尬既地方系，佢有比澳牛过之而无不及既态度，但拍马都追唔上人地既效率同技术。两碗糖水拎过黎，一野就泻出黎溅到朋友条裙，真系多谢哂。如果真系坚持要咁既待客态度，请系其他方面做得专业少少。讲返糖水，我觉得呢间无近北角站出口果间翠苑咁好，味道偏淡和稀。不过可能系一肚气关系，食到d野都唔同味啦。