Bingo & Cook (駱克駅) (已搬遷) 新店位置

整体食物唔错，但… 服务差到咁，好难去第二次。实在可惜，因为店内座位唔逼，装修简洁，其实好舒服。友人晏昼打去试订九点半枱，答案系「你Walk in啦」… 睇Openrice以为last order系十点，九点半去到，两个扮侍应女子望天望地望远方倾埋句计，终于肯慢镜行去口招呼我哋。扮侍应女子话「我哋执紧嘢喇」，我问系咪即系冇得食，佢又话「唔系，last order系九点九，食个半钟｣… 咁矛盾咩？！一坐低，谂住火速拣嘢食，心谂净番唔够十五分钟就九点九，免得大家难做，想快… 偏偏！！！佢哋咁赶又唔俾餐牌… 吖，明明佢哋收钱又可以神速，哩头落完单，食嘅未到，𠮶头俾张单叫我哋埋单。咁矛盾咩？！十点九，「我哋要收啦」… 嘢都未饮晒，扫兴说再见。西柚Coronaita $88冇极假果汁味，正常。海鲜葱饼 $100煎得香口，咬落啖啖葱，海鲜份量好足，最赞系冇食粉团嘅感觉。赞！韩式鱿鱼炸鸡 $180渴望咗食炸鸡一排，所以今晚拣韩国菜。虽然冇惊喜，总算冇失望。炸浆冇过厚，调味正常唔会咸。跟机有个细沙律，四款酱汁任君选择。香港唔容易揾到好食嘅炸鸡，哩碟我接受。配搭炸鱿鱼就第一次试，有趣。