殿 大喜屋 (裝修中)

夜晚book左5:30-7:30呢一节食放题，话到明有两个钟头食嘢，到6:50无啦啦比张单我哋埋单，开头以为提早半小时温馨提示我哋，点知之后我出去拎完嘢食返嚟见啲呀姐将我成枱啲餐具杯杯碗碗收得干干净净，我马上同果位黑色衫员工讲「我哋系食到7:30嘅，点解要收走哂我啲嘢？」佢态度好差咁话「你仲有咩未食完吖？差啲咩吖？系咪要返一套餐具？揾人执俾你！」如果唔系有小朋友在场，我应该会开声问候呢位黑衫员工。唔系第一次嚟尖沙咀呢间殿大喜屋，但自今次经验之后，唔会再有下一次，唔会推荐其他人食，一嚟服务差，二嚟食物好一般。比钱买难受。