陳鵬鵬潮汕菜館

营业中

休息中

晚上未够6 点走去食，刚好唔驶等，有得直入，简单嚟讲，成间嘢系无service 嘅，例如，坐低后无人理你㗎，无人叫你用QR code, 无人话你知啲茶水可以喺出面自助，啲伙计收你嘢唔会问，啲𩠌又求其放喺无人坐𠮶边嘅枱边。讲吓食物，大家可以睇吓个白灼鱿鱼，半条，得8块好似食剩咁放喺个大碟，最期待嘅卤水鹅，老实，真系无乜特别，求其一间打冷铺都可以好过佢。另外卫生都系差啲，我哋后尾加咗一换甜品绿豆爽，碗嘢拎到嚟，揸住只匙羹个位，系有红豆沙痴住嘅。最有趣系，我1750入坐，有个负责门口安排入座嘅姐姐喺1825 走嚟话够钟，话我啲嘢齐晒。喂，乜唔系90 分钟咩？妳唔好见有人等位就赶我走先得㗎！系咁先，无下次！