湘蜀人家

营业中

休息中

去到门口等咗一阵先有人serve, 明明铺位唔大，又冇乜人，都唔知啲人去咗边🤷🏻‍♀️咁都算啦，我同男朋友两个安排咗去卡位坐，都算阔落。之后order左几样野，水煮牛、饺子、白饭同野饮。首先嚟到嘅系水煮牛，一望落去个样系OK嘅。但咬落去就难食到想吐出嚟💩首先旧牛好「un」，其次个味唔系辣、麻香味，而系得油味，好难形容，总之就难食。等咗好耐，个饺子终于嚟。其实当时客又唔多，唔明点解接近半个钟先嚟到份饺子。一咬落去，够热但好干，味道就偏啖，好似食紧一旧未调味嘅肉，但都好过个水煮牛💩我地食到2/3嘅时候，有个类似男经理嘅人走过嚟拎起我地张单，望两望。男朋友主动同佢讲我地嗌啲野已经嚟齐。佢冇反应就行走左，隔左2,3分钟又过嚟问有冇野加，果个语气直头想赶我走咁款🤔 之后又企系一边啤住我地咁，奇奇怪怪。我同男朋友顶唔顺，净低嘅饺子都唔食啦，起身埋单走人。我地都唔知得罪佢乜，客又唔系多，又唔系接近闩门时间，我地坐左都系一个钟左右，唔计佢啲野本身嚟得慢，仲要都未食哂啲野😅 比钱买难受。一句讲哂，下次不了。