麻布茶房 (已結業)

今日同朋友行开见装潢几好, 都几夜先食, 果时都算full, 但过左食饭时间无咁多人叫野, waiter亦几快手...笑容系少d, 不过好有礼貌. 几醒目, 频频加茶执野. 无之前d人讲得咁差, 可能系改善左啦.d野食, 间野镇店的甜品类只系一般. 可能男仔唔惯食咁甜. 不过算抵食. 份量奇多. 食完正餐一个人都好难消灭哂成个. 我叫左果刨冰. 净系食左d雪糕就已经饱到滞, 刨冰无咩点郁过. 朋友食咩番薯雪糕, 佢话味就几好, 不过太多比d番薯塞实个胃好辛苦wor! 份量多呢点唔知系好定唔好.讲番正餐, 叫左个乌冬, 无咩好讲, d味好正常, 唔差但都唔特别. 叫几好啦. 又系份量算多lor. 仲有佢d野食全部都摆得好好睇. 提议你地去最好share甜品食. 其实佢d野睇落就贵, share就好平. 由其系甜品, 一个人食左正餐实食唔哂.特别赞下门口的waitress, 靓女, 又好笑容, 好有礼貌. 老实讲都系见佢咁可爱先行埋去.