紅茶冰室

营业中

休息中

我同老公习惯去呢间餐厅度周末食早餐，平时就搭枱好快有位，咁今日谂住有时间等吓卡位，黑框眼镜分位阿姐，不断问肯唔肯搭枱，咁我等咗10几分钟，终于排第一，阿姐坚持继续问我搭唔搭台，我同阿姐讲我终于都排到第一等多阵，佢话今日排队全部都系贵宾冇人肯搭枱，佢话俾我知要等多20分钟，随后就不断比三个人坐卡位，终于忍唔到问佢，我话点解你两三行啲人都系两个人可以座卡位，但你唔比我呢？佢话𠮶啲人本来系三个人走咗一个，所以就两个人坐卡位，我话，你十几枱啲人都走左一个？你咁样分枱唔公道的。分枱阿姐就开始发烂渣，佢话系唔公道㗎啦，搭巴士都唔会有公道㗎！我老公就话你咁样讲嘢唔啱，阿姐继续话，系呀我哋呢度系请CEO，你教我做嘢呀！跟住咁啱近窗边就有二人卡位，终于有得我座，本来一肚气叫老公走，但系排咗咁耐唯有照食啦，食完临走阿姐又发功，喺侧边用对讲机大声叫楼上D伙记又话，啲卡位比三个人座，继续用去凶残嘅态度掌管呢一间茶餐厅嘅政策。大佬，我嚟叹早餐，唔系来啃骨，若果呢个集团真系有CEO的话，麻烦你哋睇吓呢篇嘢，去民间视察下民情，讲完。