紅茶冰室

營業中

休息中

本人和太太在在此餐廳用餐時，遭遇極差的服務體驗。點單後，服務員未送上所點的飲品，由於當時已經用餐完畢，我要求退款時，竟遭員工當眾辱罵「咁又唔早講」，此女員工態度惡劣，令人憤怒。 餐廳沒有上齊全食物居然說成是客人的責任。作為消費者，我有權獲得應有的服務與尊重，而非無禮對待。貴店員工的行為已嚴重損害顧客權益及餐廳聲譽。

本人一直有幫襯開這間餐廳，由於門口泊車方面的關係，所以一直都選擇呢間餐廳食早餐，但今天我真的很失望，假日排隊基本上是常態，但有陣時因為要想睇車（抄牌很嚴重。）平日我哋都會照排隊，不過通常都會講要窗口位附近，我哋已經在門口等了超過10分鐘，而且是第一位，但我發現竟然有人打尖進入座位，我向員工詢問有關事宜，呢個員工（應該係新人）竟然同我哋講話呢度冇預留位置嘅，咁你又叫我喺門口等，我對呢間餐廳非常失望及不滿，並且以後一定唔會再去幫襯

口味偏咸，經理服務很差。開業5年都無電子支付，八達通都好丫，超唔方便，店員回覆果陣好似收現金好自豪。港鐵站附近，好方便。有2層，約40桌。雖有很多部冷氣，但依然焗到出汗，最搞笑隔離枱用餐牌扇涼，經理話唔好啊，會整爛餐牌。第一次見到經理甘樣罵顧客，唔講以為張餐牌好值錢。更嬲既系，疫情過後，香港人都變得有潔癖，枱面，刀叉都需要用紙巾擦乾淨。食野時又要用紙巾。轉頭經理行過，執枱時話：嘩，好多紙巾。個刻眼都突埋，俾說話顧客聽，系又罵唔系又罵，帶情緒上班，超趕客。午餐65+，賣相唔錯，但湯，肉偏咸，餐飲正常。

約了朋友，就選擇在這裏集合，剛剛坐在风口位，冷氣非常到位。等了大概15分鐘朋友就到，慢慢坐也是沒有壓力的。有的客戶是一個人，那就會坐圓枱，並且檯面有個小屏障隔開。分別叫了兩份早餐，其中塑膠原火腿絲的我要求走火腿，想不到一分鐘就能送上，實在是專業茶餐廳才做到這種驚人速度。飲品也是標準的，這裏並沒有使用app下單，可以對於服務也是一種讚許。洗手間比較狹窄，衛生環境一般。但係總共有兩層，坐樓上就安靜一點。

紅茶冰室 (大圍店)。2025/May/Sun/16:00。1人HK$65 免加一。下午茶叉燒切雞$48⭐️⭐️⭐️，凍檸檬茶另+$3⭐️⭐️⭐️，菠蘿油$14⭐️⭐️⭐️⭐️，個場夠大，雖然多人，算坐得舒服⭐️⭐️⭐️，招呼有禮⭐️⭐️⭐️，上餐快⭐️⭐️⭐️。。。。。。。。。。紅茶冰室 Red Tea (大圍)沙田 大圍村 南道51號地舖大圍站A出口 步行1分鐘68700228。。。。。。。。。。紅茶冰室 Red Tea (大圍)沙田 大圍村 南道51號地舖大圍站A出口 步行1分鐘。。。。。。。。。。

晚餐食紅茶，雖然佢一間茶餐廳，但係佢都係有品質嘅保證，可以為係茶餐廳入邊嘅名流今日我再次食紅茶嘅晚餐，品嚐佢哋嘅肉醬意粉，千祈唔好諗住肉醬意粉係好普通嘅一個菜式，其實芝士焗肉醬意粉有好多嘢都要需要有一個原味嘅配合，包括芝士嘅份量，焗意粉嘅時間，茄汁嘅份量，同埋意粉嘅粗幼同全部都要要有一個好頂級嘅配合，先至會做得出一個好食嘅芝士焗肉醬意粉。而今次紅茶茶餐廳冇令我失望，呢個芝士焗肉醬意粉嘅味道係好，頂呱呱

今日去大圍呢間紅茶冰室食午餐，我叫咗一個自選嘅燒肉叉瀨，跟奶茶嘩啲燒肉鞋颯颯啲叉燒淋到梅梅爛爛個瀨粉硬到鐵線咁，啲湯又冇味， 投訴又冇人理，以後都唔好再去， 做旺咗個名之後呢就亂咁嚟。

There was a long queue outside this restaurant every time pass by which definitely cannot manage to try it during lunch time. This time seeing only one small group is waiting, we immediately just went for our first attempt. Restaurant is way bigger than we expected. There are two spacious floors covering both small group tables and huge tables for big groups. Menu covers literally everything you can find in a cha chaan ting. Staff were incredibly friendly and funny to interact with. Thoughtful t

大年初一，沒有什麼好選擇，最後選擇了據聞受內地旅客歡迎的茶餐廳。試試有多好味。我們被安排和人分享一張枱，問題是另外的客人有很多東西，物品都佔了我們一人坐位的部份空間。侍應都照樣安排客人坐。服務認真下流。我們表達不能坐，侍應才叫另一台客弄好東西。坐後諗住叫野食，餐牌有些菜式沒有寫得很詳細。詢問侍應菜式究竟是什麼，侍應都不知道是什麼。問佢有什麼推介，佢不耐煩的叫我哋自己揀完先搵佢。服務認真下流。最後叫咗個魚湯雜錦泡飯，看看他有多雜錦，誰料，他給的的是叉燒、魷魚、菜菇…一點都不夾，和他餐牌上的泡飯，比簡直是垃圾。另外選擇了蛋撻，一般般，不是酥皮，但係餐牌嗰張相好似係酥皮喎，所以我才叫。早知只係曲奇皮，就唔叫。好味的，就係他的杏仁霜，比其他茶餐廳算係夠味道。我睇唔到這間餐廳為什麼可以受歡迎。如果有得揀，我唔會再揀佢。

我同老公習慣去呢間餐廳度週末食早餐，平時就搭枱好快有位，咁今日諗住有時間等吓卡位，黑框眼鏡分位阿姐，不斷問肯唔肯搭枱，咁我等咗10幾分鐘，終於排第一，阿姐堅持繼續問我搭唔搭台，我同阿姐講我終於都排到第一等多陣，佢話今日排隊全部都係貴賓冇人肯搭枱，佢話俾我知要等多20分鐘，隨後就不斷比三個人坐卡位，終於忍唔到問佢，我話點解你兩三行啲人都係兩個人可以座卡位，但你唔比我呢？佢話嗰啲人本來係三個人走咗一個，所以就兩個人坐卡位，我話，你十幾枱啲人都走左一個？你咁樣分枱唔公道的。分枱阿姐就開始發爛渣，佢話係唔公道㗎啦，搭巴士都唔會有公道㗎！我老公就話你咁樣講嘢唔啱，阿姐繼續話，係呀我哋呢度係請CEO，你教我做嘢呀！跟住咁啱近窗邊就有二人卡位，終於有得我座，本來一肚氣叫老公走，但係排咗咁耐唯有照食啦，食完臨走阿姐又發功，喺側邊用對講機大聲叫樓上D伙記又話，啲卡位比三個人座，繼續用去兇殘嘅態度掌管呢一間茶餐廳嘅政策。大佬，我嚟嘆早餐，唔係來啃骨，若果呢個集團真係有CEO的話，麻煩你哋睇吓呢篇嘢，去民間視察下民情，講完。

Red Tea Cafe is a hidden gem for both breakfast and afternoon tea lovers. Their breakfast set, featuring instant noodles with a drink included, is a delightful and tasty treat that truly hits the spot. Not only is it delicious, but it's also worth every dollar spent. The afternoon tea experience is equally satisfying, especially with the BBQ pork rice set that is not only very worth the price but also a dish I've found myself returning to many times. The fast service is a big plus, although the

下午茶餐62 包括嘢飲，真係幾抵，因為有蛋同牛角包酸菜好甜，辣味適中不過只是辣椒油。牛肉厚度適中，都有好多塊牛肉一定夠飽，不過啲牛肉浸得太耐或者煮得太耐。牛角包攞到返屋企，夜晚食依然鬆脆。啲蛋依然幼滑好食。

聖誕大餐收每位188元，主食是肉眼扒，結果變成大快活午餐薄牛扒。環境非常吵雜，令人很煩躁。我仍未吃完食物，但侍應不停過來問可否收拾。整個體驗非常差，下次不會再去了。

食物不錯👍🏻選擇較都多不過長期都排隊。但員工態度及安排入座有待改善。一坐底3分鐘都會問落得單未，香港的節奏就係咁😅😅所以都習慣了。不過安排入座的員工態度及安排有待改善，不知道為什麼我是四位，我後面的又是四位，但入左後面果枱先到我。（可能我2大2小？）雖然輪候座位的時間不是很長，但就有點不公平對待。蛋撻keep住都新鮮出爐，菠蘿包好食。奄列足料。

每次見到一大班遊客排隊食紅茶，心諗「茶餐廳都要排？！」。當時仲未知點解D遊慕名而來，最近食完幾次終於明白紅茶性價比真係高，屬於高級版茶餐廳，我都食過返尋味，試過一星期食兩次🤭▫️板燒黑椒西冷牛扒 $72▫️兩塊薄牛扒，大量嘅黑椒汁，意粉又多，餐廳出手好大方。相比友人的鐵板西冷，我呢塊嘅肉質唔韌，雖然有鬆肉粉味，但味道唔錯👍🏻 意粉有少少蕃茄蓉襯托，最主要都係撈黑椒汁嚟食，所以蕃茄蓉少啲都冇所謂。平時出去食扒餐都會遇到醬汁唔夠嘅情況，但係紅茶出手闊綽，d汁多到滿瀉🤭 若要挑剔的話，黑椒汁有少少鹹。▫️蒜蓉美國西冷牛扒鐵板 $125▫️叫咗5成熟，但係上碟時已Overcooked。足足1寸厚的西冷，沒有比平價版的好味😟 肉質有點韌和鞋。不過，蒜蓉汁幾出色，好好味又唔過鹹。綜合兩款牛扒、醬汁和配菜，個人認為平價西冷嘅性價比完勝鐵板西冷。另外，之前都有幫襯紅茶嘅晚飯小炒，唔錯！P.S. 只收現金，如可以提供其他支付方式更為方便。