多彩皇宮

营业中

休息中

今早阿妈话去饮茶，去到拣左位坐低个伙计已经话唔好坐呢度坐第度，好明显留左位比人啦～好，咁算啦，食到一半，忽然听到有个女人好劳气好大声骂啲伙计，应系啲态度问题啦。食到差唔多，差紧笼潮州粉果未来，好，咁叫啲伙计追啦，叫第一个，应左你就算，无去睇。叫第二个，直头企系我地张枱度同同枱阿婆吹水，应都唔应，继续吹水。叫第三个，依然系咁，应左你就算。最后，出左去见到有个伙计系度玩电话行埋去督住佢帮我地追。哗，我终于明开头个女人做乜事咁劳气了。一早食到成肚火，无下次。啲管理层如果睇到既话，唔该你好好正视呢个问题，我唔系成日去你间茶楼饮茶，但之前都有两次见到食客同啲伙计嘈～