豚勝

营业中

休息中

去完西九文化区野餐，夜晚去圆方揾食！一直都觉得圆方好似冇乜嘢好食，可能之前住附近食到厌咗…朋友睇完OpenRice 提议去一间叫「豚胜」嘅日本吉列豚肉店，睇相好似都唔错即管试下！因为凑住两个BB，侍应俾咗出面嘅位置我地。侍应都好贴心，送咗个玩具仔比BB氹佢哋开心。我同BB各点一个餐：🟠吉列珍宝广岛蚝 配 芝士豚肉饼定食 配 御饭·豚肉味噌汤·渍物🟠儿童餐A（吉列鱼柳、豚肉肠、薯条、汤乌冬及果汁）我点个餐炸物有两只蚝加芝士豚肉饼一个切半，首先讲讲呢度嘅炸物，炸到松脆可口，我麻麻地食炸野都觉得几好吃！餐厅会配埋三种sauces俾顾客，包括猪扒酱、紫苏酱、柚子酱。呢度嘅椰菜丝系任食，落紫苏酱&柚子酱好好味～（其实食到一半都已经饱饱地！）另外，我因为BB只系得岁半，其实儿童餐嘅份量对佢嚟讲真系非常足够。基本上俾个乌冬佢食已经好够。最后佢除左豚肉肠食剩之外，其他都清晒，我谂都应该几啱佢口味！🤭最后提提大家：可能太近溜冰场嘅关系，温度偏低，建议大家去食饭要带多件外套。