蘇哥清湯腩

营业中

休息中

因为呢个商场大部份食肆都要排大队，见到呢间苏记好快有位先至帮衬吓，点知入到去张枱面比上一手食客d汤倒到成枱面都系，有个著白色衫嘅女人就用块布抹张枱，最大问题系佢一路用d汤去抹枱而唔系用水去抹，抹完呢张又抹另一张，愈抹愈污糟。跟著叫佢落单，佢又话等一下，点知等到无回事，我都唔知佢忙咩。到咗送餐嘅时候，又系呢个白色衫嘅女人捧d餐饮过嚟，佢响到问…喂…你几多号枱呀？我话我点知呀，你唔应该问我，佢就即刻回应话.. 我今日第一日返工㗎咋，真系唔知呢d咩嘢人，搞唔掂就唔好做啦，不过，觉得呢个女人唔似职员啰，似系间舖d老板亲属多d。到咗埋单佢又未有电子收费系统，只收现金，非电子收费的单据一般𣎴能用来做泊车优惠，咁就问一下负责收银和带位果个著白色衫嘅男人啦（似系老板）张单唔系电子消费单泊唔泊得车，佢好悔气咁话，你要咪印返张单比你啰，我点知得唔得呀，又唔关我事，你咪自己试吓啰。领教完呢d服务质素，真系唔会再嚟。不过，其他员工是正常的，只系呢两个著白衫嘅一男一女最极品最讨厌。