春天 (已結業)

好耐之前试过呢间餐厅记得都唔错，今日就去左食个下午茶，唔洗等位就有得入，而且餐厅入面嘅客人亦都唔多。我就叫左个黑椒牛俐炒意粉，连埋杯野饮就$38。先唔讲d食物，服务真系好令人失望，无论一坐低定系叫野食嘅时候都无侍应过黎招呼，而且态度亦都系好冷淡，而且送餐嘅时候好似将d野食飞埋黎咁。最夸张系我叫左好耐都无人攞芝士粉黎，我就自己出去问啦，点知佢竟然冷笑左一声跟住指住个柜话：芝士粉啰。服务差都算，食物亦令人非常失望，意粉非常之硬，而牛俐就好霖，完全唔爽口。无论食物同服务都难以令人满意，下次唔会再去。