百匯軒 (已結業)

估唔到第一次忍唔住要写食评系要俾劲劲劲劲差😡😡😡，呢间野啲食物几好都冇用，真心，未去过一间酒楼系咁上下同心态度奇差。朝早饮茶要撘枱，ok,真系冇问题，问题系佢俾左个位你坐，之后调你走，话"两个人坐果边啦"(但头先系你地叫我坐先) 唔系净系我，仲有啲一个人去食野既公公婆婆都系，一个人就俾佢任调 。讲到楼面，有个真系极品，佢自己夹硬迫入去后面啲枱度拎野，唔叫人借开居然仲可以闹人唔坐好啲俾佢入，sorry我食紧野真系冇后眼望住你做紧乜！连唔该借借都唔讲直接就闹你，仲要唔系闹一句，系一路行再一路闹真系叻，好彩隔离枱个婆婆都帮我，话佢日日都系咁，可能佢唔记得左我对耳未退化，听佢闹我闹得好清楚！强烈推介，如果想活化心血管，应该要帮衬下