Bello Dining (已搬遷) 新店位置

首先等位等劲耐，太后悔冇放弃唔等。入到去三催四请先有人肯写嘢落order，似系唔优做。首先请短头发侍应落order，佢表示唔得闲咁就叫左长头发马尾侍应写嘢，落单嘅过程，长头发马尾嘅侍应全程黑面，语气唔耐烦，极度冇礼貌，但系都落左单冇办法。如果你经常要人调枱，就证明你间餐厅带位安排有问题，小店唔系大晒。正因为你哋系小店，更加应该系服务态度取胜，但你哋偏偏服务态度最恶劣。嘢食部份，牛扒要七成熟，落刀切𠮶下已经知赖嘢，锯木咁切开，非常un。朋友碟意粉亦都系冇乜味道，但系价钱同出边嘅西餐厅冇话平好多，何来好评嘅CP值高？？你哋之所以有生意系因为同区冇乜西餐厅小店，万一隔离开多间，你哋真系唔做得住。