家嫂

营业中

休息中

一张圆枱坐晒，每人328任饮任食小食，鸡煲和海鲜火锅，刺身只系一次。食物方面一般，但态度奇差！问佢点落单，佢话自然上菜，依次序由小食，刺身，鸡煲同火锅。小食上菜冇每人一件，要再叫先来！然后食虾多士，食完再encore 时冇影！追单的时候就话我地取消左order, 我哋都冇讲过问佢驶唔驶录音证明！个女侍应即刻啤住我十秒！火都嚟！然后上鸡煲，个煲一人一旧鸡都冇，再添D鸡又唔热，开大个火个侍应又同你收细佢！到食火锅的时候，侍应话个电磁炉坏咗，要用gas炉。仲话个个都系咁！鸡煲已经唔够热！仲用个铜锅打边炉！叫佢俾多个gas 炉一齐用，佢话公司规矩唔可以！叫我地滚耐D！我地话有排先滚㖞！跟住我哋话食落肚肚痛就唔好啦！个侍应先同所谓的经理讲，然后换咗个电磁炉。仲一路换一路讲你好嘢！隔离张枱仲惨，食食吓冷气机漏水柱，仲要讲无办法！累到有两三个客为避雨企左系度食，最后隔离班客投诉先将张枱移开啲！班侍应服务态度非常差，冇下次啰！