影片
更多
2018-12-23
112 浏览
朗豪坊放工，想系附近揾间比较好坐的餐厅有一定的难度。。。最近公司楼下开左间新的港式餐厅，见啲位几宽敞，就入去试下～食完觉得要推荐俾其他系旺角揾食的朋友，因为餐厅服务态度好好，系旺角区呢个价位的餐厅少见的！同个friend叫左1个前菜，2个主菜，原来全部都好大碟！前菜系凯撒沙律，意想唔到咁大碟！$55俾左一个大汤碗分量，好足料。生菜新鲜，沙律酱同芝士粉都恰度好处，烟肉碎同面包粒够脆口。主菜一:肉眼扒拼春鸡配焗薯，又系好大件。肉眼扒做到七成熟，唔会太靭，有嚼口;加埋红酒汁几惹味。春鸡有部分嫩口，但近鸡胸部分肉比较粗。焗薯配酸忌廉，唔会太稔身，味道标准。餐汤有粒粒粟米。印象深刻系侍应会系我地面前淋好酱汁，拎住等大烟过左啲，先放系我地台面，等我地唔会俾油烟攻鼻，成身油烟味，呢样好赞👍🏻主菜二:焗鸳鸯炒饭，好多芝士！用热辣辣的焗盘上，白汁饭用左鱼肉梅菜，系比较罕见的配搭，鱼肉大大件，加埋梅菜又几新鲜，香槟忌廉汁香浓。红汁用肉酱牛柳块，牛柳软硬适中，而且有好多件，一啲都唔吝啬食材。整体嘅食物水平不错，分量超越价钱，平均每人around$210！最值得赞嘅系餐厅职员嘅服务态度，超级有礼貌，好help
同个friend叫左1个前菜，2个主菜，原来全部都好大碟！
前菜系凯撒沙律，意想唔到咁大碟！$55俾左一个大汤碗分量，好足料。生菜新鲜，沙律酱同芝士粉都恰度好处，烟肉碎同面包粒够脆口。
主菜一:肉眼扒拼春鸡配焗薯，又系好大件。肉眼扒做到七成熟，唔会太靭，有嚼口;加埋红酒汁几惹味。春鸡有部分嫩口，但近鸡胸部分肉比较粗。焗薯配酸忌廉，唔会太稔身，味道标准。餐汤有粒粒粟米。印象深刻系侍应会系我地面前淋好酱汁，拎住等大烟过左啲，先放系我地台面，等我地唔会俾油烟攻鼻，成身油烟味，呢样好赞👍🏻
主菜二:焗鸳鸯炒饭，好多芝士！用热辣辣的焗盘上，白汁饭用左鱼肉梅菜，系比较罕见的配搭，鱼肉大大件，加埋梅菜又几新鲜，香槟忌廉汁香浓。红汁用肉酱牛柳块，牛柳软硬适中，而且有好多件，一啲都唔吝啬食材。
整体嘅食物水平不错，分量超越价钱，平均每人around$210！最值得赞嘅系餐厅职员嘅服务态度，超级有礼貌，好helpful。如果女仔食的话，建议叫一个扒同一个意粉，份量已经好足够。
张贴
