新仙清湯腩 (已結業)

早几日前，本人行经湾仔，偶尔见到街边易拉架广告，先知集成中心商场里面有间米滋莲推介新开张嘅“清汤腩”面馆，于是就尊诚入去试试，不过接住落嚟就开始受气喇；我一坐低就有个高高瘦瘦带眼镜嘅侍应阿姐声大大过嚟问我：(阿姐)食咩呀？(我)一碗崩沙腩河，一碗坑腩河，(阿姐)（面向厨房𠮶边大大声唉）喂……有冇沙腩呀？（厨房)有。一阵啲嘢先后嚟到，不过崩沙腩同坑腩都唔够淋，仲有好大阵苏味，但汤底又太咸，食物同态度需要大大改善。讲返转头个阿姐直情当间店舖好似街市喺度卖菜咁，简直不知所谓，极之冇礼貌，落单𠮶时又呼呼渴渴，最离谱嘅就系当佢帮我落完单之后，亦系我啱啱去完洗手间返嚟𠮶时，竟然见到张单连埋个单夹排咗落喺地下度，真系唔明佢点解要咁样嚟整古我？之后有个矮啲嘅亚姐啱啱经过先顺手帮我执返张单上嚟。 总而言之一句，啲服务态度真系差到冇朋友，啲侍应阿姐完全一啲专业水准，一啲礼貌，以及一啲素质都冇！食物又唔掂…………总之就系：“差差差”。仲话系“米芝莲”推介哦！失礼死人，以后想我再帮衬都几难。