影片
更多
2019-07-03
722 浏览
第一次来到桥香园，而我都好肯定亦会系最后一次。非常恐怖嘅服务，入到去先啱啱坐低，餐牌都未拎出黎睇就已经问你要食咩，拎完餐牌出黎都未完全睇晒有咩𩠌拣，已经又问你要食咩，同佢讲转头先、睇睇先，完全无视你讲嘅野，中年男店员对客人呼呼喝喝，前后俾佢Chur咗3次，问题系间店完全唔多人，仲有好多张吉枱。落单时又成日记错听错，完全冇用心听客人讲野，其实唔止我呢枱，佢每一枱都系咁，成日搞错晒啲野，要客人好有耐性咁不停重复要咩𩠌。终于落完柯打，佢印返张单嚟，其实你直接放喺枱面咪得，如果惊俾风吹走咪摄落纸巾盒底或者揾野压住，但佢唔系，佢系要客人亲手接佢张单，仲要喺人面前扬两扬咁暗示你去拎佢张单，真系想问咩态度黎？接完佢张单之后，等食期间我重新拎返个餐牌出黎影相，顺便再睇多次其实佢有咩𩠌拣，因为刚才真系俾佢Chur到嗱嗱声落单就算，但佢好似惊我睇蚀佢个餐牌咁，先啱啱影完张相就已经西口西面咁将个餐牌摄返去旁边，其实野食又未到，客人又唔系多，但就让人完全感受到一种不被欢迎嘅感觉，真系好差。上到枱啲野都系甩甩漏漏，成日将唔同枱嘅客人碗米线搞错，而同佢讲话唔系我嘅就一句唔好意思对唔住都冇，好似老奉咁，仲要大大声大
终于落完柯打，佢印返张单嚟，其实你直接放喺枱面咪得，如果惊俾风吹走咪摄落纸巾盒底或者揾野压住，但佢唔系，佢系要客人亲手接佢张单，仲要喺人面前扬两扬咁暗示你去拎佢张单，真系想问咩态度黎？
接完佢张单之后，等食期间我重新拎返个餐牌出黎影相，顺便再睇多次其实佢有咩𩠌拣，因为刚才真系俾佢Chur到嗱嗱声落单就算，但佢好似惊我睇蚀佢个餐牌咁，先啱啱影完张相就已经西口西面咁将个餐牌摄返去旁边，其实野食又未到，客人又唔系多，但就让人完全感受到一种不被欢迎嘅感觉，真系好差。
25 浏览
0 赞好
0 留言
上到枱啲野都系甩甩漏漏，成日将唔同枱嘅客人碗米线搞错，而同佢讲话唔系我嘅就一句唔好意思对唔住都冇，好似老奉咁，仲要大大声大条道理话「系呀我知唔系你嘅，摆住先转头拎返走」，错都好似错到佢啱晒咁，真系第一次见。
321 浏览
0 赞好
0 留言
91 浏览
0 赞好
0 留言
分别叫咗一碗汤米线同一碗捞米线，先讲汤米线，拣咗两𩠌(鱼卷、肥牛)、清汤，米线口感真系冇咩特别，唔会话特别烟韧，鱼卷应该都系出面拎货返黎，所以味道同样普通无特别，肥牛有3条，口感有啲韧，拣肥牛仲要额外加1蚊，个人觉得唔太值。汤米线有好多配料，其中有好多酸菜令到味道偏酸同好浓，如果酸菜份量少返啲应该就冇咁重口味，食完返到屋企都好口渴，睇黎味精都几重。捞米线要咗四𩠌(乍酱、牛展、鸡翼、生菜)，牛展几入味，但系卤水鸡翼就完全唔够味，得个表面有色，但系入面啲肉完全唔入味，配料调味同样都系味道偏浓，同上次喺第二间所食到嘅捞米线真系差得远。食物本身又唔系话好出色，仲要受埋啲咁差劣嘅服务态度，真系不了。
张贴
