影片
更多
2023-09-27
560 浏览
作为一个系九龙城读书用长大嘅街坊，以前读中学成日同朋友嚟食lunch，食物质素同埋性价比都好高。琴晚我同中同有约，而佢话好挂住呢间嘅嘢食，所以就去左睇。因为平时都系食呢间嘅lunch，怕夜晚散叫好贵，就叫门口嘅侍应遮遮比个menu睇睇先。见佢咁热情，价钱合理，中同想食，就入咗去。一坐低入面冇乜客，遮遮好好比咗两个menu我哋，一人一本唔使争。我食猪颈肉捞檬，朋友食河粉。落单之后遮遮即刻俾左捞檬汁我，效率唔错。嘢食都系一如既往咁好食，唔系重点唔讲咁多。遮遮系我食到一半嘅时候，冇啦啦问我仲要唔要捞檬汁，只手仲已经ready我答「用完」可以马上收。但我习惯捞檬汁系一路食一路落，我好无奈咁话要。隔左一阵，个场开始慢慢多人，不过都未多人到需要排队。朋友已经食完，另一个侍应叔叔见到好迅速帮佢收左个碗。但我仲有1/4左右。因为有啲饱，就中场休息，同朋友倾住计先。点知遮遮又嚟，又问我仲要唔要碗捞檬，只手又系ready好等我答「唔要」就9秒9收走。我又好无奈话要😅 佢先道歉走左😅隔左五分钟都唔知有冇，个个侍应叔叔又问我要唔要，我再一次答要要要😅（不过佢只手冇伸出嚟预备，系真系等客人回答先收，好过个个遮遮
因为平时都系食呢间嘅lunch，怕夜晚散叫好贵，就叫门口嘅侍应遮遮比个menu睇睇先。见佢咁热情，价钱合理，中同想食，就入咗去。一坐低入面冇乜客，遮遮好好比咗两个menu我哋，一人一本唔使争。
我食猪颈肉捞檬，朋友食河粉。落单之后遮遮即刻俾左捞檬汁我，效率唔错。嘢食都系一如既往咁好食，唔系重点唔讲咁多。
遮遮系我食到一半嘅时候，冇啦啦问我仲要唔要捞檬汁，只手仲已经ready我答「用完」可以马上收。但我习惯捞檬汁系一路食一路落，我好无奈咁话要。
隔左一阵，个场开始慢慢多人，不过都未多人到需要排队。朋友已经食完，另一个侍应叔叔见到好迅速帮佢收左个碗。但我仲有1/4左右。因为有啲饱，就中场休息，同朋友倾住计先。点知遮遮又嚟，又问我仲要唔要碗捞檬，只手又系ready好等我答「唔要」就9秒9收走。我又好无奈话要😅 佢先道歉走左😅
隔左五分钟都唔知有冇，个个侍应叔叔又问我要唔要，我再一次答要要要😅（不过佢只手冇伸出嚟预备，系真系等客人回答先收，好过个个遮遮😅）
到我真系食完嘅时候，我抹完嘴就将纸巾放系碗旁边（因为之后仲要用😀）然后撩牙。个遮遮走过嚟，「食完啦系咪？多谢晒」，一嘢收走我张抹左一下嘅纸巾同碗。我即刻望一望出面，谂住睇下系唔系真系咁多人排队，需要咁赶客，点知出面一个人都冇😅😅😅😅😅
遮遮都咁赶客，我地无谓再留系度阻住佢😅
食过咁多次都未试过咁嬲，贴钱买难受，以后唔帮衬😅❌
张贴