OVO CAFE

营业中

休息中

我唔打算评论食物质素，只可以话中规中矩，食gimmick。我主要系想讲服务态度：我地一行10人预早打电话book左枱，去到餐厅搞左好耐话揾唔到我地booking，又要check 电话睇record，睇下我地有冇讲大话，然后只系同我地讲句唔好意思，同我地讲起码要再等20-30分钟先安排到，想赶我地走。重点系餐厅仲有空位够容纳我地，而当处理紧我地booking问题嘅时候，隔离店员不停放walk in客入座。因为我地一行10人临时好难再揾另一间餐厅，最后有位男店员安排左两张分到好开嘅枱比我地，亦只好接受。用餐中途，有位女店员问我地两张枱系咪一齐埋单，我地话系。埋左单，一行人离开，其中一位女店员追出马路话我地其中一张枱未埋单，我地又要返铺头解释，同佢讲已经埋左单。话人未埋单前唔会问下同事先？唔会check下收银机先？知道我地确实系埋左单，一句道歉都无一句讲哂，想受气就去食啦。食物味道正常，份量足够，蘑菇汤当然不及西式餐厅，鱼饼很普通，整体黎讲cp值低，不值呢个价。