EXP

营业中

休息中

今日去又一城行街，到左夜晚就上openrice睇下附近有边间餐厅好食，偶然见到呢间餐厅评价好似唔错就去试试，点知佢地嘅服务态度实在「震惊」我！去到餐厅就揿咗飞仔等叫位，等到叫到我地时，我拎张飞仔俾个男店员睇（身高大约180，戴黑框眼镜，约30-40岁，身型略胖），佢望左望我地张飞就叫我地「等一等」，ok我谂可能系未执好台。点知佢陆续叫左好几个排喺我地之后嘅飞，入座人数都系同我地一样，我再走去问又叫我地「等一等」！我地之后再等左一阵，哇！唔对路㖞！排喺我地后面嘅不断入座！问之前𠮶带位男店员究竟咩事啊？！佢望一望我地张飞，话「我唔知你地𠮶number」「咁宜家俾你入去得未」，态度恶劣！虽然食物味道还好，除左呢位叫飞带位男店员外，其他店员都态度有礼。之后再睇睇openrice食评，好似带位嘅职员原来都曾被「点名」（虽然唔知系唔系同一位啦）。