影片
更多
2024-09-29
40 浏览
❗️❗️态度极差❗️❗️其实，我真系唔明点解成间铺嘅员工态度可以咁差。啲食物嘅质素本身已经系比起以前差咗好多，最重点系呢间舖啲店员嘅服务真系好差劣。首先，个女侍应讲嘢态度系真系好差。之后有两个人入咗嚟谂住坐卡位，个女侍应都用好差嘅态度叫佢哋坐返两人位。我明白繁忙时间要搭台，坐返二人座会方便啲，但系其实系咪可以用礼貌嘅态度同顾客讲返？仲有，前台收银𠮶个男经理态度都好有问题。卖单嘅时候只系行错咗收银嘅地方，我唔系好明白点解个经理要用一个奇怪眼神、擘大晒只眼去表示。虽然我唔知道呢名男经理系唔系无意嘅，但系𠮶个眼神真系会令人有啲唔舒服，同埋会好冒犯。其实呢位男经理点解唔可以礼貌地同返顾客讲，而系要用眼神去同顾客沟通。整体而言，呢间舖嘅食物质素一般之余，佢成间店嘅部份职员嘅服务态度系真系好有问题。试谂下，如果你出去食饭，受到咁差嘅服务，你自己会啲乜嘢心情？其实，顾客出嚟餐厅系嚟食饭，而唔系嚟睇你面色、受你嘅气。我唔知上述员工系因为乜嘢原因，服务态度先至会咁差，但系我真系想强调一点就系顾客嚟食饭唔系睇你面色。最重点系服务态度差呢一点已经唔系一时半刻嘅事，我之后先知道原来有好多类似嘅事，我就唔系好明白点解呢
其实，我真系唔明点解成间铺嘅员工态度可以咁差。啲食物嘅质素本身已经系比起以前差咗好多，最重点系呢间舖啲店员嘅服务真系好差劣。
首先，个女侍应讲嘢态度系真系好差。之后有两个人入咗嚟谂住坐卡位，个女侍应都用好差嘅态度叫佢哋坐返两人位。我明白繁忙时间要搭台，坐返二人座会方便啲，但系其实系咪可以用礼貌嘅态度同顾客讲返？
仲有，前台收银𠮶个男经理态度都好有问题。卖单嘅时候只系行错咗收银嘅地方，我唔系好明白点解个经理要用一个奇怪眼神、擘大晒只眼去表示。虽然我唔知道呢名男经理系唔系无意嘅，但系𠮶个眼神真系会令人有啲唔舒服，同埋会好冒犯。其实呢位男经理点解唔可以礼貌地同返顾客讲，而系要用眼神去同顾客沟通。
整体而言，呢间舖嘅食物质素一般之余，佢成间店嘅部份职员嘅服务态度系真系好有问题。试谂下，如果你出去食饭，受到咁差嘅服务，你自己会啲乜嘢心情？其实，顾客出嚟餐厅系嚟食饭，而唔系嚟睇你面色、受你嘅气。我唔知上述员工系因为乜嘢原因，服务态度先至会咁差，但系我真系想强调一点就系顾客嚟食饭唔系睇你面色。最重点系服务态度差呢一点已经唔系一时半刻嘅事，我之后先知道原来有好多类似嘅事，我就唔系好明白点解呢一间公司可以容许佢嘅店员有咁差嘅服务态度。其实作为一个顾客，真系会觉得系咪呢间公司纵容佢哋嘅员工咁样做。同样地，我以前去铜锣湾翡翠明珠𠮶间分店食米线阵，佢入边啲员工系非常之有礼貌。其实同样都系米线阵，点解个服务可以争咁多。讲真成个食饭嘅体验就系两个字，「受气」。
张贴