藍屋 (已結業)

第一次被赶客就在此留我第一个既评语奉劝大家，为左令大家唔好未食已受一肚气，大家带小朋友既食客，请不要光顾此餐厅了，此餐厅职员服务态度极度恶劣！未食都以为欠左佢钱！琴日两大两细去蓝屋食lunch, 入到去个短发女人都已经邹晒眉啤住你，净返3个门口隔离既位置，我就有礼貌地问会唔会有客差唔多食完走，佢就话无，当时我谂我小朋友要返学，快快趣趣食完都会走，迫迫地坐埋唔紧要，时间35分钟内实会走，只系近门口位，小朋友入紧去已经有客开门，要坐好晒先可以开到门，由于地方比较狭窄，当时有客开门删门，我地都未入到去坐得低晒，已经有两枱4人枱既客走，刚好有客入就入左4人，我又好礼貌地问仲有个张4人枱，可否比我地坐，佢就话：「唔可以转枱！」一副极度不满既态度回应我，当时我地都未坐好，又未落单，跟先后次序都应该先比我地坐吧！我跟职员讲：「我地都未坐好，已经有客走，头先问你有无客差唔多食完会走，你又答我无？我地4人都会叫3个餐，咁都唔欢迎？」佢极度不满既态度又回应我，头先真系无人走！**难度3分钟内客人可以整个餐食完埋埋单？**各位自行判断此餐厅是否值得受一肚气去试试！**原来下面都有客留言此餐厅服务极差！