大自然素食

营业中

休息中

好耐都无出街食嘢，今次趁放闲日陪两个长者去到黄大仙食午餐，拣咗入大自然食素，叫咗6样嘢食，有烧汁芦笋牛柳卷、香酥花枝圈、陈皮白菊素蛇羹、原盅黄耳素翅炖椰皇（职员推介嘅）、原只木瓜蟹籽沙律、法式牛油果焗多士。食完后，我哋都觉得份量啱啱好，啲嘢食都几特别，烧汁芦笋牛柳卷，食落口感真系好似食紧肉咁，加埋啲烧汁又真系几好味，而陈皮白菊素蛇羹及黄耳素翅炖椰皇，两个都好饮，都好多料，一啲都唔似系食素，至于焗多士，我就觉得牛油果唔够多，食唔到牛油果味，反而原只木瓜蟹籽沙律抵食又好味。最后埋单$290，走嘅时候，几位职员嘅态度都好有礼貌，行出店舖去商场洗手间时遇到其中一位职员，竟然都仲同我哋微笑点头讲多谢，店员服务态度真系比我想像中好。