影片
更多
2021-09-08
883 浏览
与友人想食个早饭，系OpenRice见到全部都系😋，好多正评，于是一日前订枱试吓。我哋两位中女5点半左右入座，可能时间真系太早，相信我哋系第一枱客。哥哥先招待我哋入座，继而姐姐帮我哋落单，两位都好有礼貌，我哋叫咗忌廉蒜香白酒煮青口拼酥香多士、蟹肉大啡菇、澳洲150天谷饲纯种黑安格斯肋眼牛扒，再加一人一杯梳打。忌廉蒜香白酒煮青口拼酥香多士，果然如其他食评人所讲好好味，个酥香多士外脆内软，点汁食一百分，如果menu有净多士+汁，相信我可以净系食佢😅，青口大小适中，portion亦好大，我觉得三至四个人当餐前小食都好足够。跟住嚟咗个蟹肉大啡菇，一碟两件，再加少少沙律伴菜，都系好好食，虽然个蟹肉有加埋芝士一齐焗，但一啲都唔会腻，个姑嘅水份亦好足够。由于我哋太多嘢讲，食得好慢，食到中途哥哥好有礼貌同我哋讲，我哋可以慢慢食，到差不多想上牛嘅时候，随时可以同佢讲，咁个牛就唔会冻咗。姐姐亦适时同我哋换走装满壳嘅兜同碟。最后上个牛，卖相好靓，除咗个牛，连D配菜（南瓜、西兰花、唔太肯定嘅薯蓉蔬菜饼）一啲都唔会因为佢系配角就整得唔好味，连我呢个同蔬菜唔friend嘅人，都觉得好好味，我哋将所有配菜都食晒，当
我哋两位中女5点半左右入座，可能时间真系太早，相信我哋系第一枱客。哥哥先招待我哋入座，继而姐姐帮我哋落单，两位都好有礼貌，我哋叫咗忌廉蒜香白酒煮青口拼酥香多士、蟹肉大啡菇、澳洲150天谷饲纯种黑安格斯肋眼牛扒，再加一人一杯梳打。
忌廉蒜香白酒煮青口拼酥香多士，果然如其他食评人所讲好好味，个酥香多士外脆内软，点汁食一百分，如果menu有净多士+汁，相信我可以净系食佢😅，青口大小适中，portion亦好大，我觉得三至四个人当餐前小食都好足够。
跟住嚟咗个蟹肉大啡菇，一碟两件，再加少少沙律伴菜，都系好好食，虽然个蟹肉有加埋芝士一齐焗，但一啲都唔会腻，个姑嘅水份亦好足够。
由于我哋太多嘢讲，食得好慢，食到中途哥哥好有礼貌同我哋讲，我哋可以慢慢食，到差不多想上牛嘅时候，随时可以同佢讲，咁个牛就唔会冻咗。姐姐亦适时同我哋换走装满壳嘅兜同碟。
最后上个牛，卖相好靓，除咗个牛，连D配菜（南瓜、西兰花、唔太肯定嘅薯蓉蔬菜饼）一啲都唔会因为佢系配角就整得唔好味，连我呢个同蔬菜唔friend嘅人，都觉得好好味，我哋将所有配菜都食晒，当然个主角牛扒都相当唔错，面层有少少脆，肉汁亦好丰富。
后悔冇影相打个咭，其实餐牌上好多菜都想试，可惜我哋得两个人，唔想眼阔肚窄，叫咗食唔晒浪费，只能够品尝三个菜，期待下次可以再嚟试其他嘢。
我哋由下昼五点几坐到七点几，都系得我哋呢一台，可能由于位置唔够显眼，生意好似麻麻，希望只系偶意同埋越夜越好生意，呢间小店值得更多人认识（不过到时会唔会有好难揾位🤔😅）。
张贴