北京老家

营业中

休息中

爸爸九十三歲生日🎂，真係揾咗好多間餐廳酒樓都唔知可以安排佢食乜。首先要就佢唔可以離屋企太遠(路程遠佢會攰)，又要諗佢食唔食到(佢冇乜牙而且唔食得辣)。 結果，就揀咗去呢間食北京菜(馬後炮咁講，其實啲餸菜比較熱氣，我都有少少揀錯)。 因為有七個人，但又唔係好識單叫，於是就叫餐廳推介啲套餐。睇來睇去，結果都係揀咗呢個~ 前菜: 老醋蜇頭，雞絲粉皮，麻辣肚絲 麻辣肚絲真係麻辣到冇朋友，我哋七個人當中，得一兩個人食得到😂，食完個口仲會好麻，不過佢哋話好滋味喎(我食唔到，no comment)。 雞絲粉皮就冇得輸啦(不嬲都係我嘅至愛)，雖然唔算係北京菜 ಠ_ಠ 海蜇頭算係清清哋嘅菜式(前菜)，冇乜特別可以挑剔 ╮(╯▽╰)╭ 宮保大蝦🍤(走辣)，正宗嘅宮保大蝦梗係有少少辣，不過為咗要就我爸爸，唯有厚住面皮問餐廳可唔可以走辣，結果佢哋話冇問題，酸酸甜甜幾好😅🤭 (˶‾᷄ ⁻̫ ‾᷅˵)不過我真係好感謝佢哋，就我爸爸更改佢哋嘅菜式。 柚子魚，我唔知道會係有少少辣，好彩我爸爸都食到。撇除個人口味話食唔食得辣，我覺得呢條柚子魚幾好，佢嘅柚子汁好refreshing，減低條魚嘅煎炸感，我唔食魚嘅都食咗好幾舊。