陳根記

营业中

休息中

上网睇过话呢间好好食，我特登由香港仔搭火车去到石门帮衬佢，系第一次帮衬，等咗30分钟就入咗去，环境OK冷气OK，我叫咗五碟𩠌四个人食，谂住再加多两个𩠌，之后落唔到单，我问服务员点解，佢话我知你落单时间已经过咗，落单时间系剩返30分钟之前你一定要落晒所有单，其实冇人通知过我冇人话俾我听，之后服务员哗你唔识字嘅咩墙𠮶度都写咗啦！其实我真系睇唔到边度有写，之后就见到，都冇问题咁我咪唔叫啰，我同佢讲我好远黎到我想叫多两个𩠌得唔得，佢话唔得呀呢度电脑规定咗，你唔食大把人食你够钟就要走，我喺度做咗四年系咁㗎喇你可以唔好帮衬，问题系好小事但系啲服务态度劲差。最后我喺堂食剩返10分钟好早去早舖头内嘅地方买甜品食，我问啲卖甜品里面嘅人，出面点解啲服务员态度好差，佢答话，我哋喺度买甜品都俾佢闹。