影片
更多
2014-08-14
1271 浏览
今日同亲友到凤城饮茶。其平时好少去CWB饮茶，因为CWB有更多更好嘅选择，不过呢间真系好就脚，而且12点半都唔驶等位。今日叫左十几样点心，当中有所谓嘅招牌菜，猪脚姜、炸鲜奶，不过有D失望。猪脚姜用一个大饭碗装住，数得出有两旧猪脚、两旧姜加一只蛋，OK，百物腾贵，我明白。炸鲜奶就无甜味，比起北角嘅凤城差得远。中肯果句就系：呢个价+呢个质素可以接受，而且合理。
今日叫左十几样点心，当中有所谓嘅招牌菜，猪脚姜、炸鲜奶，不过有D失望。猪脚姜用一个大饭碗装住，数得出有两旧猪脚、两旧姜加一只蛋，OK，百物腾贵，我明白。炸鲜奶就无甜味，比起北角嘅凤城差得远。中肯果句就系：呢个价+呢个质素可以接受，而且合理。
题外话/补充资料：
但系我发觉食物嘅质素唔系最重要‥‥‥
话说点心摆满成枱，个传菜再送点心黎，佢移开我杯茶，将几碟食剩嘅空碟叠系我面前(因为移开埋我杯茶系有多D空位，而佢就企系我侧边，真系好顺手!)，咁紧系以为佢摆好D点心就收埋D空碟，点知佢转头走，开声叫佢拎走D空碟，佢抛左一句：「(态度唔友善咁话)我唔收。」我就话：「即系点，唔驶收呀﹖」(同时指住我面前嘅空碟，心谂：唔收点解要叠埋佢系我面前﹖)果时佢已经走远左几步，佢话：「唔得闲!」(态度更差!)佢去左侧边果张枱传菜。当然我明白传菜嘅就系传菜，唔收碟，咁你唔收碟就唔好叠埋佢、仲要摆我面前，仲要咁差嘅态度。咁附近嘅部长呢﹖我再望望附近嘅部长，两个部长都系同人「打呀较」(似乎系熟客)，一个系隔离枱同班客望住部手机讲紧野(肯定唔系落紧单)，另个系再远D嘅两张枱倾紧计。举晒手都无一个埋我。仲有，个传菜身上都唔挂名牌，要投诉点知揾边个呀﹖
我相信一间餐厅食物质素固然重要，服务态度更重要。人人食得开心，质素有基本嘅水准，我系已经接受。唔通唔系熟客就欢迎﹖
(以上食记乃用户个人意见 , 并不代表OpenRice之观点。)
张贴