影片
更多
2023-04-11
774 浏览
相信好多人都听过呢间主打酸种面包的cafe，原先开系中环半山区，位置唔多，但受广大欢迎，由于我好怕排队，所以一直无去试。前排知道佢哋系湾仔开咗分店，空间阔落咗好多，终于嚟咗试。其实本身中环的定价已经比较进取，但湾仔分店价钱定得更高，每份sourdough 连加一大概二百蚊，所以都抱住好大期望，点知未食嘢已经等到个人好忟憎。公众假期中午时间嚟试，餐厅入边唔算多人，有好多空位，但系门口都要等5至10分钟先有人招呼，然后坐低咗再等多10分钟三催四先有人帮你落单，然后等咗半个钟都未有嘢食，催单时发现店员冇落到单，然后应承会尽快出餐俾我哋，点知再等多15分钟都未有，再催多次先比到个餐我地，差唔多等咗一个钟先有得食。餐厅咁大，但楼面得三个人，一个招呼客人，一个落单，一个收碟，价钱定价咁高，但系比唔到应有的服务质素，上网都睇到好多人批评佢地嘅服务，显然一直未有改善。大家要有充足时间同耐性先好嚟试。OH MY GOD! ($185) 👅:85.14分黑松露，大啡菇，水波蛋，火箭菜，酸种面包酸种面包的确做得几出色，面头铺满酱汁，但系面包仍然保持脆身，仲食到面包的麦香同适中的酸味，黑松露酱汁同啡菇份量好
其实本身中环的定价已经比较进取，但湾仔分店价钱定得更高，每份sourdough 连加一大概二百蚊，所以都抱住好大期望，点知未食嘢已经等到个人好忟憎。
公众假期中午时间嚟试，餐厅入边唔算多人，有好多空位，但系门口都要等5至10分钟先有人招呼，然后坐低咗再等多10分钟三催四先有人帮你落单，然后等咗半个钟都未有嘢食，催单时发现店员冇落到单，然后应承会尽快出餐俾我哋，点知再等多15分钟都未有，再催多次先比到个餐我地，差唔多等咗一个钟先有得食。餐厅咁大，但楼面得三个人，一个招呼客人，一个落单，一个收碟，价钱定价咁高，但系比唔到应有的服务质素，上网都睇到好多人批评佢地嘅服务，显然一直未有改善。大家要有充足时间同耐性先好嚟试。
OH MY GOD! ($185) 👅:85.14分
黑松露，大啡菇，水波蛋，火箭菜，酸种面包
酸种面包的确做得几出色，面头铺满酱汁，但系面包仍然保持脆身，仲食到面包的麦香同适中的酸味，黑松露酱汁同啡菇份量好慷慨，每啖包都吸收浓厚的酱汁，配埋水波蛋同清新的火箭菜，系一个唔错的配搭。但整体味道都无话好惊艳，令我印象深刻，同埋以食材来说，仍然觉得定价太进取。
Yogivasna ($157) 👅:68.13分
炒蛋白，蕃茄，辣味鹰嘴豆，红腰果，牛油果，Pita
见网上好多人推介呢个中东风味嘅素食Pita Bread，满心期待，点知只系带中东风味同微辣嘅番茄炒蛋，酱汁下面系一大块Pita Bread，好厚身同埋松软，但唔算好特别，整体都唔系好合口味。
Sourdough Cinnamon Bun ($75) 👅:82.23分
上网评价一般，但系个人几钟意食肉桂卷，而且佢包种都系用sourdough，所以决定试下。肉桂卷面头铺了一层sour cream，味道不错，旁边加了一些开心果碎，口感系几丰富。包体方面就唔太食到酸味，但肉桂味相对几重，略嫌中间太过湿润，整体个包都几实正，所以食完一个都已经好饱。
OH MY GOD!
$185
180 浏览
0 赞好
0 留言
OH MY GOD!
$185
130 浏览
0 赞好
0 留言
Yogisvana
$154
99 浏览
0 赞好
0 留言
Sourdough Cinnamon roll
$75
48 浏览
0 赞好
0 留言
Sourdough Cinnamon Roll
$75
54 浏览
0 赞好
0 留言
张贴
