半島酒店大堂茶座

营业中

休息中

咁出名既半岛酒店下午茶，当然想试啦但似乎有啲名过于实唔知系咪员工训练麻麻地，态度未算差，但有待改善。比起新既瑰丽酒店，两间都系差唔多价钱，但服务黎讲，瑰丽真系做得好好多首先，打去接线生问多唔多人，接线生系女仔嚟，态度麻麻地咁答 但语气真系麻麻，绝对唔系5星酒店既态度第二，企大堂既登记个位女职员，又系，唔知同接线生系咪同一个人，我唔认得，但有啲似酒楼出面d职员，有啲唔耐烦 （其实你唔想做呢份工，可以试吓去3星d酒店做，岩你多d）第三，叫左两杯冻饮，一杯比饮管，另一杯无比。都算，问个男侍应攞支饮管，佢无讲任何野，好又唔讲，无问题又唔讲，一句唔好意思又无。我都唔知你听唔听到 佢之后去攞饮管，我先知原来你听到㗎，只系唔比反应姐食物方面唔错既，但未算好出色。环境还可以，但有少许旧同昏暗，餐具都有d旧。同样价钱，会拣瑰丽酒店。