Outback Steakhouse (形點 I)

营业中

休息中

Lunch time 大约1:30去食，排队等位大约等五台客，等左15分钟就有位坐。二个人叫左三个餐，正所谓眼阔肚窄就系我哋呢啲女仔😂黑糖面包系几好食，上热门菜式合情合理。不过想讲侍应唔知点解俾咗个全新嘅黑糖面包，但系就配一个有人用过而且用晒嘅忌廉兜俾我？？😨我见到咁嘅情况问侍应可唔可以俾个忌廉我？侍应竟然答我你系咪需要refill.........我话我都无用过，个面包都仲未食，系你摆底个时个忌廉已经有人用过你再俾我😅个侍应先话唔好意思拎新既俾我.....烧肉酱味猪肋骨外脆内软，入面啲肉系超软熟超淋，每一啖都食到有酱汁味，反而薯条就麻麻地。鸡肉芝士夹饼口感几得意，黄色𠮶个酱汁甜甜地，我将啲酱汁倒晒落块芝士饼上面，配搭埋一齐几好食蕃茄肉酱意粉普普通通冇咩特别不过唔难食，最后因为眼阔肚窄嘅关系，呢个意粉系食唔晒要拎走返屋企食嘅😂其实系因为Lunch time每间餐厅都排长龙，见呢间小人排啲先食㗎咋，有得拣其他都会试其他。