潮庭 (新城市廣場) (已結業)

食饭当晚系星期一晚上七至八点时段，唔爆场，坐左六七成左右。我地一家虽然系食饱，但碟上仍然有"送"系食净，我妈仲拎住对筷子食紧野，我地亦未叫埋单。侍应就拎个盘过黎，准备收我地D野食，第一转我地话仲食，佢净系收左清左既碟就走。唔够五分钟又拎个盘行过黎，收晒我地成枱既碗筷，唯独我妈仲拎住筷子冇收到，因为佢仲食紧D头盘。一家人出黎食饭，食饱再倾下偈好正常，加上呢间野系冇时间限制，我地用餐时间亦只系两个钟之内既事。如果出面好多客等紧急于翻台或者我地已埋单准备走既情况下，你黎执野系情有可原。呢间野我地食左好多次，服务每况愈下，每次都有情况发生..有一次十几人BOOK左台话然后将我地张台俾左人，一家有老有嫩要再喺出面等。我地唔会再帮衬呢间野，相信屋企楼下既普通酒楼既服务仲好过佢地。