点心代表 (已結業)

星期日谂住带小朋友去点心代表试吓蜡笔小新造型点心，订咗12pm,准时到达都要等多10分钟，入到去原来唔系冇位而系冇人手去执枱。坐低差唔多20分钟，叫极侍应都系同一句回应"等一阵"，等完又等冇人有回头，其实佢地仲话繁忙时间只限60分钟，咁真系未食都走得啦。最后捉着一位女侍应叫佢开茶，劈头回应 "咁你要乜茶至得呀" ，我当堂O晒嘴，ok，都算，咁我话要寿眉，佢仲要趷我话得普洱水仙，咁点解唔直接问我要普洱定水仙，当堂火都嚟理，忍唔住话佢，不过当我唱歌行咗去。之后食物嚟到，小新造型卖相都可接受，$49食笼流沙包，系价钱略高但都可以理解。其他一般点心味道都不过不失 ，等候时间都唔算耐，最后埋单走人，出门口先见到张单印住满$300送小新杯垫，居然扮儍唔比我，好彩发现入去问佢攞番。总括嚟讲，呢间食肆食品ok，服务态度极度差劣，去一次影相打卡都算，否则去唔去都摆。**其间见到一个小插曲，有一位伙计负责企类似水吧既地方，负责分厨房点心上盘，佢唔小心跌咗张单落地下，佢向一位抱著bb行过既女士挥手，指向地下，全程不发一言，果位女士仲以为自己跌野，之后知道张单后位女士直接讲佢唔会有手帮你执啰，如果呢位伙计系聋