影片
更多
2023-04-30
160 浏览
自从十下开咗，我就好钟意呢个地方，所以间唔时都会同同事朋友嚟。一路都觉得食物水准高，咁多年都保持到，而且好钟意佢嘅怀旧feel，同埋佢非常好服务，D 侍应系一流。十下系我同朋友最钟意嘅港式边炉。隔咗一排冇去，有朋友喺外地返嚟特登拣十下叙旧，三个人book咗6:30-8:30pm时段，其实我哋都明白要两个钟头交枱。食紧嘅时候大家好开心，系咁赞啲嘢好食，其中有个做咗好耐嘅男待应服务更加系非常之好，同我哋有倾有讲。但系，今晚好早就有待应同我地话last order问使唔使加嘢饮，𠮶时都冇为意。点知8:05左右就叫我哋埋单，我哋都谂系咪已经想催我走，不过我都听话即刻埋左张单。之后8:30 嘅10分钟前再埋黎话得返10分钟，我哋三个已经密密食，不过真系食得有啲慢，所以到8:30仲有几件件嘢系碗，因为我哋唔想浪费食物，真系想食埋先走。跟住非常准时，有个女仔过嚟话你地已经够时间，我哋应佢ok，谂住咋咋淋塞埋啲嘢入口，点知𠮶个女仔一走唔够几秒钟（真系5秒都冇）有另外一个女仔埋嚟重复同一句说话，已经够时间，于是我哋同佢讲我哋食埋好快就走，跟住佢态度非常之差话但系出边已经有人等紧，跟住我朋友就问可唔可以俾
隔咗一排冇去，有朋友喺外地返嚟特登拣十下叙旧，三个人book咗6:30-8:30pm时段，其实我哋都明白要两个钟头交枱。
食紧嘅时候大家好开心，系咁赞啲嘢好食，其中有个做咗好耐嘅男待应服务更加系非常之好，同我哋有倾有讲。
但系，今晚好早就有待应同我地话last order问使唔使加嘢饮，𠮶时都冇为意。点知8:05左右就叫我哋埋单，我哋都谂系咪已经想催我走，不过我都听话即刻埋左张单。
之后8:30 嘅10分钟前再埋黎话得返10分钟，我哋三个已经密密食，不过真系食得有啲慢，所以到8:30仲有几件件嘢系碗，因为我哋唔想浪费食物，真系想食埋先走。
跟住非常准时，有个女仔过嚟话你地已经够时间，我哋应佢ok，谂住咋咋淋塞埋啲嘢入口，点知𠮶个女仔一走唔够几秒钟（真系5秒都冇）有另外一个女仔埋嚟重复同一句说话，已经够时间，于是我哋同佢讲我哋食埋好快就走，跟住佢态度非常之差话但系出边已经有人等紧，跟住我朋友就问可唔可以俾5分钟我哋食埋啲嘢，佢话我问吓先，跟住行开咗，转头返嚟话ok，5分钟。𠮶刻我哋感觉其实真系好尴尬，因为真系剩低好少嘢，你一望已经知我哋唔会阻几多时间。之前讲𠮶个男待应呢个时候仲好好人想埋嚟加汤，我同佢讲唔使加啦，佢哋系咁赶我哋走。于是我哋队左啲嘢入口，煲入边𠮶啲唔要，几分钟内就攞袋起身。
点知一拧转身，发现当时我哋后边有三张吉枱，系三张同我哋一样大小嘅四人枱。行到门口一个排队嘅人都冇，根本冇人等紧枱。等lift𠮶阵时我朋友仲成口都系嘢食。𠮶一刻真系感觉好差。心谂，使唔使咁，又唔系限时任食火锅，而系散叫。虽然有分时段，道理喺你度，但冇人等仲有最少三张吉枱都要赶我哋系点解呢？我明白可能有人订咗8:30，但系咁嘅情况真系要咁逼人走？虽然好钟意呢间火锅店，但我谂将来都会有啲却步，无谓受气啦。
真系好失望，之前咁多年都保持到嘅服务水准，啲新嘅妹妹仔真系维持唔到。或者都系请返啲好啲嘅侍应。
张贴