Shine (已結業)

好多人都钟意拣星期五放工后出街晚饭， 揾个地方Chill下 、Relax下。 今次拣咗位于尖沙咀嘅"Shine", 地点方便， 喺K11过一个街口就系喇。 入到餐厅，服务员帮我哋安排咗窗口位， 梳化够大坐得好舒服， 一边望住街景， 一边听著轻快嘅音乐， 心情即刻轻松晒! 佢仲为我们细心介绍食物， 最后决定叫烟鸭胸无花果沙律、 黑松露薯条、 西班牙蒜味虾配多士、 香辣椰汁烩蓝青口同埋烧安格斯肉眼扒。 因为食物份量唔算细， 我哋三个女仔食真系够晒。 佢个烟鸭胸做得几嫩滑， 味道和厚度适中 ; 虾多士嘅虾又多又新鲜， 蒜香味浓； 青口用咗椰汁做， 有少少辣味， 味道几特别，食得开胃。 我嘅朋友手提电话冇电， 佢哋仲提供埋叉电器， 服务细心，赞！