豚道樂 (大河道) (已結業)

经过呢间拉面店无限次， 今次终于一试真身! 周围环境唔错， 好干净，都算几寛敞， 可以选择坐高枱/正常枱。 餐牌总共有五种汤底选择， 我先生就take左只限星期六，日先有既特上海老汤拉面 ， 好味， 好浓，好鲜甜， 汤里面仲有好多缨花虾，一个字 ~ '得!' 而我就好想点特上日本芥末拉面， 但系怕阿仔又唔食得 (佢得三岁)， 侍应姐姐就提议我地可以将追加个面可以另上， 我以为会干上，结果系成碗面连猪骨汤上， 呢下我真系觉得好窝心 ， 而家已经好少呢种甘有人情味既食店， 其他铺头可能已经另收钱! 讲番个芥末拉面， 猪骨汤配上芥末又真系有d惊喜， 味觉几刺激，连d面都变埋绿色， 一边食我就一边流鼻涕 (真样衰)，建议唔系好食得Wasabi 既人都唔好点! 猪腩肉都几入味而且冇乜肥腻感， 怕肥人士可以试下猪肩肉， 佢瘦得黎带点爽口而且用左黑椒调味，层次感都几丰富！ 而我最爱食既糖心蛋亦唔失色，流心又入味！等食期间， 发现店里都系由年青人做侍应生同厨师， 见到佢地好认真去服务， 烹制，做出左一碗碗好好味既面， 藉此希望佢地继续努力! 而店内亦有免费电话义电， 突显贴心！