PizzaExpress (高安閣) (已結業)

星期日，我地一行四人，拣咗个4人set lunch,可以拣2个头盘、4个makn course、仲有4杯餐饮，份量足。头盘: 我地拣咗意式焗肉丸面包球&牛油果蕃茄沾酱配薄脆包。焗肉丸: 以蕃茄加上肉丸一齐焗，茄味浓郁，肉丸入晒味，加上有少少咸味嘅面包球，好快就被食晒。牛油果蕃茄沾酱: 个酱做得好幼滑，食到牛油果嘅味道，再加上有少少开心果碎，整体好香，几清新，本人觉得比焗肉丸更好味。另外仲拣咗个卡邦尼意粉、蟹肉意粉(须加钱)、火箭菜巴马臣火腿pizza、和海鲜pizza(须加钱)，全部质数都唔错。由于食物上枱嘅速度都几快，几个主菜差不多一齐嚟，张枱原本唔够位放，但个外藉侍应生好醒目，攞咗个架嚟，即刻变咗可以放2层食物，等桌面可以松动D，够细心，抵赞。总括而言，太古城呢间分店无论食物质数，定系服务态度，都比旺角moko𠮶间优胜好多。