金金日式燒肉店

营业中

休息中

今日同朋友一齐行铜锣湾，行到咁上下肚仔饿啦，当然就去揾食啦，行行下我见到有个2拉架写住新张优惠晚市消费八五折，咁岩我哋又想食烧肉㖞，就顺理成章上咗去试吓了。一入到去，服务员就非常细心和热心去讲解佢地嘅食物俾我哋听，我哋好快就点完𩠌，等待美食上枱了。等左大约10分钟左右食物陆续送上，我哋当然立即开始忙起来动手烧烧烧呢度嘅份量算正常，大约每人食到二至三件，虽然份量唔系话好多，但食物水准好高，肉质新鲜，冇雪藏味， 烧完出来嘅味道食落刚好，感觉上就好似飞左去日本食紧烧肉咁，非常出色。呢度嘅石头锅饭好出色，服务员自觉地，将辣椒浆倒入石锅饭后帮我们搅拌好，非常抵赞呢2个石锅饭辣道刚刚好，食落小小饭焦，口感一流，食完呢两锅饭，我哋都饱晒了。总结：呢度嘅食物水准高，味道好，最重要嘅系服务态度好，真系可以话食过咁多间烧肉店之中印象最好同好食嘅一间。加上而家佢哋新张做紧折头，算几抵食，真系要拿拿林再约朋友再去多次先得。