影片
更多
2017-02-19
1266 浏览
同屋企人去饮茶, 入到去无人带, 我地等咗阵, 果位带位嘅小姐黑口黑面"之之油油"咁行出嚟, 带我地入去, 由门口到张枱位置, 喺呢短短路程呢位带位小姐负气到极点, 佢表情, 动作, 态度完完全全表达出厌恶, 我地一家大细除咗同佢讲咗一句5位之外就乜都无讲过嘢, 完全唔知佢咩事??? 叫完嘢食无几耐喺酒楼撞到朋友一家6口, 朋友啱啱入嚟未有位想一齐坐, 咁啱就叫正果位带位嘅小姐, 同佢讲问佢可以帮我地转过张大枱, 果位带位小姐即刻好大声闹我地, 闹我地之前同佢讲5位, 依家要11人大枱, 唔俾转 (当时酒楼有一大半枱完全无客坐, 得4成客人), 哗! 唔俾转枱, 咪另外俾过张6人枱我朋友坐咪得, 唔需要咁嘅态度呀?! 佢大声到附近几围枱嘅客都听到! 明明谂住息事宁人, 但果位带位小姐不停咁闹, 朋友都忍唔住闹番佢, 我地嚟饮餐茶啫, 又无得罪过果位带位小姐, 点解要用啲咁嘅态度对啲客呢?
张贴