銀座日本料理鐵板燒 (已結業)

今日週日落大雨同小朋友去食lunch，一點半左右舖頭裡面只有小貓三幾枱客，但店員唔俾坐卡座話有客訂左，算，你語氣唔好兼且成間舖去到一點半都只有20%滿，我信你一次。落柯打時叫左幾次都無人理，店員三四個但無一個想睬人，舉手舉左三次等左成五分鐘(唔講真係以為要喺對面海過黎)，至有人過黎。同小朋友用左半分鐘落柯打，女店員全程目無表情唔耐煩咁。又算，肚太餓唔同你計較住。食完嘢再望下四周，成間舖都仲係得2成滿，仲有十張八枱無人坐，包括幾張卡座。有客人剛好入來想坐卡位，又係被拒絕。今次店員改左說法，話係“呢幾張卡位唔開唔可以坐”，客人只有被指示坐喺正中。大概坐左45分鐘，就被催促要落場叫我埋左單先，當時隔離仲有四枱客未食完嘢。錢始終要俾，俾囉。再過20分鐘，男店員飄過講左句:“我地要落場，你地要離開嘞” (點解我坐低時唔講呢？)語氣用詞exactly 就係咁樣. 真心覺得難受. 食物水準好好好一般, 計埋加一每人HK$300 一個牛肉湯烏冬, 咁惡劣嘅service完全係始料不及。以前食過覺得幾好，我今次係特登帶個小朋友黎再幫襯嘅，但今次之後，呢世都唔會再幫襯!!!